Gwasanaethau Ambiwlans ac 111

 

Mae ein portffolio comisiynu yn cwmpasu ystod eang o wasanaethau hanfodol, gan gynnwys Gwasanaethau Ambiwlans Brys a Di-frys, Gwasanaethau Ambiwlans Awyr, gwasanaethau GIG 111 Cymru, Rhwydwaith Cyflenwi Gweithredol Rhwydwaith Trawma Mawr a Rhwydwaith Cyflenwi Gweithredol yr Asgwrn Cefn.

 

Rydym yn gweithio i optimeiddio darpariaeth gwasanaethau trawma mawr a gofal asgwrn cefn, gan sicrhau bod unigolion yn derbyn triniaeth amserol a phriodol ar gyfer eu hanafiadau. Yn ogystal â gofal trawma mawr a gofal asgwrn cefn, rydym yn goruchwylio Gwasanaethau Ambiwlans Brys a'r Gwasanaeth Adalw a Throsglwyddo Meddygol Brys (EMRTS), gan sicrhau ymateb a chludiant cyflym i unigolion sydd angen sylw meddygol brys. Rydym hefyd yn comisiynu'r Gwasanaeth Cludo Cleifion Di-frys (NEPTS), gan hwyluso cludiant diogel a dibynadwy i gleifion sydd angen gofal meddygol di-frys neu gymorth symudedd.

Fel rhan o'n hymrwymiad i wella gofal brys, rydym yn arwain mentrau fel y Rhaglen Chwe Nod, sy'n anelu at wella mynediad, ansawdd a diogelwch mewn gwasanaethau brys. Rydym hefyd yn goruchwylio comisiynu gwasanaethau 111, gan ddarparu pwynt cyswllt hanfodol i unigolion sy'n ceisio cyngor a chymorth meddygol brys.

 

Ar ben hynny, rydym yn sicrhau mynediad at wasanaethau arbenigol i oroeswyr ymosodiad rhywiol drwy gomisiynu Canolfannau Atgyfeirio Ymosodiadau Rhywiol (SARCs). Mae'r canolfannau hyn yn darparu gofal a chymorth cynhwysfawr i unigolion sydd wedi profi trais rhywiol, gan gynnwys gofal meddygol, archwiliad fforensig, a chymorth emosiynol.

 

Am ragor o wybodaeth cysylltwch â'r tîm drwy e-bostio: NWJCC.ASC@wales.nhs.uk