Gwasanaethau Merched a Phlant

Croeso i Wasanaethau Merched a Phlant, lle rydym wedi ymrwymo i sicrhau iechyd a lles mamau, babanod a phlant ledled Cymru.

Mae ein portffolio comisiynu yn cwmpasu ystod o wasanaethau arbenigol sydd â’r nod o gefnogi teuluoedd ar y daith o’r cenhedlu i blentyndod:

Gwasanaethau Ffrwythlondeb: Rydym yn goruchwylio comisiynu gwasanaethau ffrwythlondeb, gan gynnwys Ffrwythloni In Vitro (IVF), i gefnogi unigolion a chyplau sy'n cael anawsterau beichiogi.

Meddygaeth y Ffetws: Mae ein hadran yn cydlynu gwasanaethau meddygaeth ffetws, gan gynnwys asesiadau cardioleg, i ddarparu gofal cynhwysfawr i famau beichiog a'u babanod heb eu geni.

Gwasanaethau Newyddenedigol: Rydym yn sicrhau mynediad at wasanaethau a chludiant newyddenedigol, gan gefnogi babanod cynamserol neu sâl â gofal arbenigol a chludiant i unedau gofal dwys newyddenedigol pan fo angen.

Arbenigeddau Pediatrig: Rydym yn comisiynu pob arbenigedd pediatrig dirprwyedig, gan sicrhau mynediad at ofal cynhwysfawr i blant ag ystod eang o gyflyrau meddygol.

Gofal Dwys Pediatrig: Mae ein hadran yn goruchwylio'r gwaith o gomisiynu gwasanaethau gofal dwys pediatrig, gan ddarparu gofal critigol i blant sy'n ddifrifol wael neu wedi'u hanafu.

Patholeg Pediatrig: Rydym yn hwyluso mynediad at wasanaethau patholeg pediatrig, gan gynnwys profion labordy a diagnosteg, i gefnogi diagnosis a thrin salwch plentyndod.

Patholeg Amenedigol: Mae ein hymdrechion comisiynu yn ymestyn i wasanaethau patholeg amenedigol, gan gefnogi teuluoedd trwy ymchwilio a deall beichiogrwydd a cholled babanod.

Rydym wedi ymrwymo i hybu iechyd a lles mamau, babanod, a phlant ledled Cymru. Trwy gomisiynu strategol, cydweithio â rhanddeiliaid, a mentrau gwella ansawdd parhaus, rydym yn ymdrechu i sicrhau mynediad teg at wasanaethau iechyd mamau a phlant o ansawdd uchel i bob teulu.