Cyfarwyddwr Comisiynu Gwasanaethau Ambiwlans a 111

Cymerodd Ross Whitehead rôl Cyfarwyddwr Comisiynu ar gyfer Gwasanaethau Ambiwlans ac 111 ym mis Medi 2024.

Yn flaenorol, gwasanaethodd Ross fel Dirprwy Gomisiynydd Gwasanaethau Ambiwlans yn y Pwyllgor Gwasanaethau Ambiwlans Brys (EASC) gan ddechrau ym mis Mehefin 2022, ar ôl dal swydd Comisiynydd Cynorthwyol Gwasanaethau Ambiwlans ers mis Chwefror 2016.

Fel uwch arweinydd, mae wedi cefnogi cyn Brif Gomisiynydd y Gwasanaethau Ambiwlans a'r EASC i yrru rhaglenni arloesi a thrawsnewidiol ar draws gwasanaethau ambiwlans a'r System Gofal Heb ei Drefnu ehangach.

Dechreuodd Ross ei yrfa yn y GIG fel Hyfforddai Rheoli Graddedig cyn hyfforddi fel parafeddyg yn 2010. Mae wedi gweithio fel clinigwr gyda Gwasanaeth Ambiwlans Arfordir De-ddwyrain Lloegr ac yn ddiweddarach gyda Gwasanaeth Ambiwlans Cymru nes iddo ymuno ag EASC yn 2016.

Yn athletwr brwd ac yn Iron Man, mae Ross yn byw yn Ne Cymru gyda'i wraig a'i deulu ifanc.