Nyrsio a Sicrhau Ansawdd

Nod Nyrsio a Sicrwydd Ansawdd yw rhoi blaenoriaeth i ddarparu gwasanaethau gofal iechyd diogel o ansawdd uchel ledled Cymru.

Mae ein hadran yn canolbwyntio ar wahanol agweddau sy'n ymwneud â sicrhau ansawdd, diogelwch cleifion, a gwella perfformiad:

Ansawdd a Diogelwch Cleifion: Rydym yn goruchwylio mentrau i sicrhau'r safonau uchaf o ansawdd a diogelwch cleifion ar draws gwasanaethau gofal iechyd. Mae hyn yn cynnwys adrodd i bwyllgorau, cynnal dangosfyrddau ansawdd a diogelwch cleifion, a gweithredu strategaethau i gynnal safonau ac arferion gorau fframweithiau cenedlaethol.

Diogelu: Rydym yn ymroddedig i ddiogelu unigolion agored i niwed sy'n derbyn gwasanaethau gofal iechyd. Mae hyn yn cynnwys sicrhau bod darparwyr yn ymwybodol o brosesau diogelu, canllawiau a gofynion hyfforddi perthnasol.

Rheoleiddio Proffesiynol: Rydym yn goruchwylio rheoleiddio proffesiynol ar gyfer nyrsys o fewn tîm y Cydbwyllgor Comisiynu (JCC), gan sicrhau ymlyniad at safonau rheoleiddio a hyrwyddo rhagoriaeth broffesiynol.

Cwynion a Phryderon: Rydym yn ymdrin â chwynion a phryderon gan gleifion a rhanddeiliaid, gan hwyluso’r broses o’u datrys ac ysgogi gwelliannau o ran darparu gwasanaethau.

Rhyddhau Cyllid Cleifion Unigol: Rydym yn rheoli rhyddhau cyllid ar gyfer gofal cleifion unigol, gan sicrhau mynediad teg at wasanaethau a thriniaethau angenrheidiol.

Mesurau Profiad a Adroddir gan Gleifion (PREMs) a Mesurau Canlyniadau a Adroddir gan Gleifion (PROMs): Rydym yn casglu ac yn dadansoddi adborth a chanlyniadau cleifion i asesu effeithiolrwydd gwasanaethau a nodi meysydd i'w gwella.

Hysbysiadau Gwella Perfformiad: Rydym yn cyhoeddi hysbysiadau gwella perfformiad pan fo angen er mwyn mynd i'r afael â diffygion ac ysgogi gwelliant parhaus wrth ddarparu gwasanaethau.

Rydym wedi ymrwymo i hyrwyddo diwylliant o ragoriaeth, diogelwch a gwelliant parhaus mewn gwasanaethau gofal iechyd. Drwy arolygiaeth drylwyr, cydweithio â rhanddeiliaid, a gwneud penderfyniadau sy’n seiliedig ar ddata, rydym yn ymdrechu i sicrhau’r safonau uchaf o ran ansawdd a diogelwch i holl gleifion Cymru.